Экалагічная гадзіна "Птушкі Беларусі" і свята Саракі

Жавароначкі, прыляціце,

Цёпла лецейка прынясіце,

А зімачку прыбярыце,

Бо зімачка надаела,

Нам хлебушак пераела.

    

   22 сакавіка адзначаюцца Саракі (Саракасвятныя, Сорак мучанікаў). Меркавалася, што вясна паволі ўступае ў свае правы і дадому вяртаецца 40 выраяў. 

Жанчыны выпякалі з цеста для дзяцей сорак галушак, піражкоў у выглядзе птушак.  Дзеці бегалі па вёсцы, высока трымаючы галушкі ў руцэ, або нанізвалі іх на пруток, залазілі на страху і спявалі веснавыя песні. Вечарам рытуальнае печыва трэба было з'есці. Саракі, як і Аўдакея-вясноўка, былі чарговым этапам гукання вясны, якое будзе доўжыцца да самага Благавешчання.

      Сёння ў бібліятэцы таксама адбылося свята.

   Экалагічная гадзіна "Птушкі Беларусі" сабрала юных чытачоў бібліятэкі ў падарожжа па страронках "Чырвонай кнігі ў казках і вершах беларускіх пісьменнікаў".

Удзельнікі пазнаёміліся з дзіўным светам птушак, даведаліся шмат цікавага пра Чырвоную кнігу, а таксама паказалі свае веды, эрудыцыю ў віктарыне "Цуда-птушкі".