Сёлета спаўняецца 135 гадоў з дня нараджэння Янкі Купалы і Якуба Коласа.Класікі беларускай літаратуры пакінулі вялікую спадчыну, на якой узгадавалася не адно пакаленне, і якая на працягу дзесяцігоддзяў вывучаецца, асэнсоўваецца, перакладаецца на іншыя мовы і пашырае веды пра нас – беларусаў – ва ўсім свеце.
Гістарычная заслуга Янкі Купалы і Якуба Коласа заключаецца перш за ўсё ў тым, што яны стварылі сапраўдныя шэдэўры нацыянальнага мастацтва і тым самым узнялі беларускую літаратуру да ўзроўню перадавых літаратур свету, зрабілі яе агульнанароднай з'явай, адным з больш важных і дзейсных сродкаў маральнага і эстэтычнага выхавання будучых пакаленняў.
21 чэрвеня 2017 г. у сельскай бібліятэцы №8 в.В.Ухалода адбылася слайд-бяседа “Творчая спадчына Я.Купалы і Я.Коласа”, на якой прысутнічалі дзеці з прышкольнага летняга лагера працы і адпачынку ДУА “Вялікаўхалодская сярэдняя школа Барысаўскага раёна”. Бібліятэкар пазнаёміла прысутных з біяграфіяй і творчасцю беларускіх пісьменнікаў. Дзеці з задавальненнем адказвалі на пытанні, а таксама чыталі ўрыўкі з вершаў “Хлопчык і лётчык”, “Спадчына”, з паэмы “Новая зямля”.
Комментариев нет:
Отправить комментарий